ਜਰ,ਜੋਰੂ ਜਮੀਨ ਦੇ ਪਿੱਛੇ
ਅਕਸਰ ਹੁੰਦੀ ਰਹੇ ਲੜਾਈ |
ਸਾਰੀ ਓੁਮਰ ਮੱਤ ਮਾਰਦੇ
ਜੁੱਤੀ ਤੰਗ ਤੇ ਨੰਗ ਜਵਾਈ |
ਇੱਕ ਪਾਸੇ ਭਰਾ ਜੋਰੂ ਦਾ
ਦੂਜੇ ਪਾਸੇ ਸਾਰੀ ਖੁਦਾਈ |
ਦਾਤੀ ਦੇ ਦੰਦੇ ਇੱਕ ਪਾਸੇ ਤੇ
ਜਹਾਨ ਦੇ ਦੋਹਾਂ ਪਾਸੇ ਨੇ ਭਾਈ |
ਜੋ ਕੁੱਝ ਬਿਜਿਆ ਵਿੱਚ ਸਿਆੜਾਂ
ਓੁਸੇ ਦੀ ਕਰਨੀ ਪੈਂਦੀ ਵਢਾਈ |
ਸੱਪ ਲੰਘੇ ਤੇ ਲਕੀਰ ਪਿੱਟਣਾ
ਬੜਾ ਲੱਗਦਾ ਕੰਮ ਆਜਾਈ |
ਕੁੱਝ ਲੋਕ ਦਾੜੀ ਦੀ ਥਾਂ ਤੇ
ਫਿਰਣ ਮੁੱਛਾਂ ਨੂੰ ਵਧਾਈ |
ਕੁੱਝ ਬਣਾ ਕੇ ਪਹਾੜ ਰਾਈ ਦਾ
ਐਂਵੇ ਪਾਓੁਂਦੇ ਰਹਿਣ ਦੁਹਾਈ |
ਤੈਨੂੰ ਭੁਲਣਾ ਵੀ ਸੋਖਾ ਹੋ ਜਾਓੂ
ਨੁੰਹ ਮਾਸ ਦੀ ਜੇ ਪਈ ਜੁਦਾਈ |
No comments:
Post a Comment